རྩོམ་རིགས་གླིང་ཁ།

སྒྲུབ་བརྒྱུད་ཆུ་བོའི་གཞུང་ལྟར་རྒྱུན་མ་ཆད་པ།

གསུམ་པ་སྒྲུབ་བརྒྱུད་ཆུ་བོའི་གཞུང་ལྟར་རྒྱུན་མ་ཆད་པའི་ཆེ་བ།

གསུམ་པ།   སྒྲུབ་བརྒྱུད་ཆུ་བོའི་གཞུང་ལྟར་རྒྱུན་མ་ཆད་ཅིང་དར་བའི་གཟི་བརྗིད་དཔལ་དང་ལྡན་པའི་ཡོན་ཏན་ནི།   ཁ་བ་ཅན་འདི་ན་སྔོན་སྒྲུབ་གནས་བསམ་གྱིས་མི་ཁྱབ་པ་བྱོན་ཞིང༌།   ད་ལྟར་ཡང་སྒྲུབ་གྲྭ་མང་དུ་ཡོད་མོད་ཀྱི། ། སྒྲུབ་གྲྭ་འདི་དང་པོར་ཚུགས་པ་དང་དུས་མཉམ་པའི་སྒྲུབ་གྲྭ་བཤད་གྲྭ་རྣམས་སྨོས་ཀྱང་ཅི་དགོས།    འདི་དག་ལས་ཆེས་འཕྱི་བ་དུས་ཕྱིས་བཏབ་པ་རྣམས་ཀྱང༌།   འགའ་ཞིག་ནི་རྩ་བ་ནས་སྟོངས།    འགའ་ཞིག་ནི་གྲོང་ཡུལ་དང་སེར་ཁྱིམ་དུ་སོང༌།   ཁ་ཅིག་སྔོན་གྱི་ཤུལ་དུ་ད་ལྟ་སྒྲུབ་གྲྭ་ཡོད་པ་འང་འདུག་མོད་ཀྱི།   བར་སྐབས་སུ་སྟོངས་པའི་ཤུལ་ལ་གསར་འདེབས་བྱས་པ་དང༌།   ཁ་ཅིག་སེར་ཁྱིམ་གྱི་ས་ནས་གཙང་མའི་གྲྭ་གསར་དུ་ཕྱེ་བ་དང༌།   བར་སྐབས་སུ་སེར་ཁྱིམ་དུ་སོང་བ་རྣམས་ཕུད་ནས།   དེའི་ཤུལ་དུ་གྲྭ་ཚང་ངམ་སྒྲུབ་གྲྭ་གསར་འཛུག་བྱས་པ་ཁོ་ན་ཡིན་གྱི།   ལོ་སུམ་བརྒྱ་བཞི་བརྒྱ་ཙམ་དུ་གང་སྟོངས་དང་སེར་ཁྱིམ་ལ་སོགས་པས་བར་མ་ཆོད་པར།   བླ་བརྒྱུད་ཆོས་བརྒྱུད་གཅིག་ཅིང༌།   ཉམས་ལེན་གྱི་རྒྱུན་གཅིག་པའི་སྒྲུབ་བརྒྱུད་བར་མ་ཆད་པར་དར་བ་ནི།  བོད་གངས་རིའི་ཁྲོད་ན་སྒྲུབ་གནས་དམ་པ་འདི་ཁོ་ན་ལས་གཞན་མེད།

མཇུག་བྱང་སྨོན་ཚིག

མཇུག་བྱང་།

ཕྱོགས་བཅུའི་སངས་རྒྱས་ཀུན་གྱི་ཞིང་ཁམས་འདིར།   །བརྩོན་འགྲུས་ལྡན་པས་རྩེ་གཅིག་འབད་གྱུར་ན།   །མ་དག་རྣམ་སྨིན་ལུས་འདི་གནས་གྱུར་ནས།   ། རྡོ་རྗེའི་སྐུ་མཆོག་ཚེ་འདི་ཉིད་ལ་འགྲུབ།   །བརྩོན་པ་འབྲིང་པོའི་བར་དོར་སངས་རྒྱས་ཞིང༌།   ། བརྩོན་འགྲུས་ཐ་མ་ཡིན་ཀྱང་ལམ་སྣ་ཟིན།   །གནས་མཆོག་འདི་དང་ཆོས་བརྒྱུད་འདི་ཉིད་ལ།   ། དམ་ཚིག་མ་ཉམས་སྡིག་ཆེན་མ་བསགས་ན།   །འབད་རྩོས་མེད་ཀྱང་སྙོམས་ལས་དབང་གྱུར་ཀྱང༌།   ། གནས་འདིར་བསྡད་པ་ཙམ་གྱིས་དགེ་སྦྱོར་སྐྱེ།   །

སྐྱེས་ཆེན་དམ་པའི་བྱིན་གྱིས་རླབས་པའི་ཆེ་བ།

གཉིས་པ་སྐྱེས་བུ་དམ་པ་རྣམས་ཀྱིས་བྱིན་གྱིས་བརླབས་པའི་ཆེ་བ།

གཉིས་པ་སྐྱེས་བུ་དམ་པ་རྣམས་ཀྱིས་བྱིན་གྱིས་བརླབས་པའི་ཆེ་བ་ནི།   གནས་འདི་དུས་གསུམ་གྱི་སངས་རྒྱས་རྣམས་ཀྱིས་བྱིན་གྱིས་བརླབས་ཤིང༌།   སྒོས་སུ་འཕགས་པ་སྤྱན་རས་གཟིགས་ཀྱི་ཞིང་མཆོག་ཏུ་གདོད་ནས་གྲུབ་པ་ཡིན་པ་ལས།   བསྟན་པ་འདི་ལ་མིའི་སྐྱེ་བ་ཉེ་བར་གཟུང་བའི་ཚུལ་བསྟན་པའི་དམ་པ་རྣམས་ཀྱིས་བྱིན་གྱིས་རློབས་ཚུལ་ནི།   སློབདཔོན་ཆེན་པོ་པདྨ་འབྱུང་གནས་ཞེས་བྱ་བ་སྤྲུཔའི་སྐུ་དེ་ཉིད་ཀྱིས།   བརྟན་མ་བཅུ་གཉིས་ཀྱི་གནས་རྣམས་སུ་བྱོན་ཞིང༌།   ཁྱད་པར་ནགས་རྒྱལ་གྱི་རི་ལ་ལན་མང་དུ་ཕེབས་པ་དང༌།   ཡང་དགོས་གནས་འདིར་ཞག་བདུན་བཞུགས་པར་གྲགས་ཤིང༌།   ཕུག་ཆེན་གོང་མ་དང་ཕུག་པ་གོང་འོག་རྣམས་སུ་ཕྱགས་ཕེབས།

ས་ལ་རང་བཞིན་གྱིས་གྲུབ་པའི་ཡོན་ཏན།

དང་པོ་ས་ལ་རང་བཞིན་གྱིས་གྲུབ་པའི་ཡོན་ཏན་གྱི་ཆེ་བ།  

དང་པོ་ས་ལ་རང་བཞིན་གྱིས་གྲུབ་པའི་ཡོན་ཏན་ནི།   གངས་ཅན་མནྡྷ་ར་དང་ལྷུན་པོ་སོགས།   །ལྷ་དང་དྲང་སྲོང་རིག་འཛིན་བགྲང་ཡས་ཀྱིས།   །ཉེ་བར་བསྟན་པའི་རི་ཡི་རྒྱལ་པོ་རྣམས།   །ཕྱོགས་འདིར་གཅིག་ཏུ་འདུས་པ་ལྟ་བུར་ཡོད།   །ཕུགས་བཞིའི་རི་རྣམས་རྩེ་མོ་ཤིན་ཏུ་མཐོ།   །རྩ་བ་བརྟན་ཅིང་དབྱིབས་ལེགས་ལྷུན་སྡུག་ཆགས།   །ངོས་རྣམས་སྨན་ལྗོངས་ཉམས་དགའ་ཡངས་པ་དང༌།   །ཟླ་བ་ཆུ་ཤེལ་ཨིན་དྲ་ནཱི་ལ་སོགས།   །ནོར་བུའི་ཕུང་པོ་བརྩེགས་འདྲའི་བྲག་རི་མཛེས།   །རི་བོའི་སུལ་རྣམས་ནགས་ཚལ་སྣ་ཚོགས་དང༌།   །ལྗོན་ཤིང་དུ་མས་རྣམ་པར་བརྒྱན་པ་ཡོད།   །ཟླ་བ་དྲུག་ཏུ་མེ་ཏོག་སྣ་ཚོགས་བཀྲ།   །བཞི་བརྒྱ་རྩ་བཞིའི་ནད་ཀུན་སེལ་བྱེད་པ།   །སྨན་མཆོག་རྣམ་པ་སྣ་ཚོགས་དུ་མ་ཡི།   ། དྲི་ཞིམ་ངད་ཀྱིས་ཕྱོགས་ཀུན་ཁྱབ་པ་དང༌།   །རྣམ་པ་སྣ་ཚོགས་འབྲས་བུ་ཆགས་པ་ནི།   །འཆི་མེད་དབང་པོ་མཆོད་སྦྱིན་བརྒྱ་པ་འམ།   །མི་འམ་ཅི་ཡི་རྒྱལ་པོ་ལྗོན་པ་ནི།   །འཁོར་བཅས་རོལ་ཞིང་རྩེ་བའི་སྐྱེད་ཚལ་འདྲ།   །རི་བོའི་མགུལ་ནས་ཆར་སྤྲིན་གསར་པ་འཁྲིགས།   །བདུད་རྩིའི་ཆར་ཟིམ་རྒྱུན་མི་འཆད་པར་འབབ།   །མཐོང་བས་ཡིད་འཕྲོག་ཐོས་ན་ཉམས་དགའ་ཞིང༌།   །བསྡད་པ་ཙམ་གྱིས་ཏིང་འཛིན་ངང་གིས་སྐྱེ།།  

མཆོད་བརྗོད་དང་གླེང་སློང་།

༄༅།། ཇོ་ནང་གི་གནས་བཤད་བཞུགས།

 

 ༄༅།   ཨོཾ་སྭ་སྟི།   །རྡོ་རྗེ་འཆང་དབང་དཔལ་ལྡན་དུས་འཁོར་དང༌།   །

ཟླ་བཟང་འཇམ་དཔལ་གྲགས་པ་པད་དཀར་སོགས།   །

ཆོས་རྒྱལ་རིག་ལྡན་སྤྲུལ་པའི་སྐུ་རྣམས་དང༌།   །

དུས་འཁོར་ཞབས་དང་ཟླ་བ་མགོན་པོ་དང༌།   །

རིགས་ལྡན་རྣམ་འཕྲུལ་ཆོས་རྗེ་ཡབ་སྲས་སོགས།   །

རྩ་བརྒྱུད་བླ་མ་རྣམས་ལ་གུས་པའི་འདུད།   །

བདག་ཅག་འདིར་ཚོགས་སྐལ་ལྡན་གདུལ་བྱ་ལ།   །

མཆོག་དང་ཐུན་མོངས་དངོས་གྲུབ་སྩ་དུ་གསོལ།   །

འདིར་ཞིང་ཁམས་མཆོག་ཏུ་གྱུར་པ་མི་མཇེད་འཇིག་རྟེན་གྱི་ཁམས།   གླིང་ཁྱད་པར་ཅན་བདུན་པ་ལས་ཀྱི་ས།   དུམ་བུ་བླ་ན་མེད་པ་འཛམ་གླིང་ལྷོའི་ཕྱོགས།  རྒྱལ་ཁམས་ངོ་མཚར་ཅན་བུ་རྒྱལ་བོད་ཀྱི་ཡུལ།   དུས་གསུམ་རྒྱལ་བ་ཀུན་གྱི་ཞིང་ཁམས།   རྒྱལ་སྲས་བྱང་སེམས་ཀུན་གྱི་མཛད་པའི་སྤྱོད་ཡུལ།   གསང་སྔགས་འཛིན་པ་ཀུན་གྱི་གནས་མཆོག་དམ་པ།   གངས་ཅན་ལྗོངས་འདིའི་ལྟེ་བ་སའི་ཐིག་ལེ།

ཇོ་ནང་གནས་བཤད།

༄༅།།   མཆོད་བརྗོད་དང་གླེང་སློང་།

༄༅།།   རང་བཞིན་གྱིས་གྲུབ་པའི་ཡོན་ཏན་གྱི་ཆེ་བ།

༄༅།།   སྐྱེས་ཆེན་རྣམས་ཀྱི་བྱིན་གྱིས་རླབས་པའི་ཆེ་བ།

༄༅།།   སྒྲུབ་བརྒྱུད་ཆུ་བོའི་གཞུང་ལྟར་རྒྱུན་མ་ཆད་པའི་ཆེ་བ།

༄༅།།   མཇུག་བྱང་སྨོན་ཚིག 

མཇུག་རྩོམ།

མཇུག་རྩོམ།

ཅ་ཅོའི་གཏམ་གྱིས་འུད་ཤོབ་མང་དུ་སྨྲ།།

ཆ་ལུགས་ཆ་མ་ཆོ་ཡིས་ཞིག་པོར་བརྫུ།།

ཇ་ཆང་འདོད་ཡོན་དཀོར་ལ་རྔམ་པ་དག།

ཉ་ཉོག་སྣ་ཚོགས་སྨྲ་ལ་ཅི་ཆ་ཡོད།། 

རིས་མེད་སྐྱེས་ཆེན་བྱོན་ཚུལ་ཆེ་ལོང་ཙམ་བརྗོད་པ།

རིས་སུ་མ་ཆད་པའི་སྐྱེས་ཆེན་དམ་པ་བྱུང་ཚུལ་ཆེ་ལོང་ཙམ་བརྗོད་པ།  

གཉིས་པ་གྲུབ་མཐའ་དེ་ཉིད་འཛིན་སྐྱོང་སྤེལ་གསུམ་བྱེད་པའི་རིས་སུ་མ་ཆད་པའི་སྐྱེས་ཆེན་དམ་པ་བྱུང་ཚུལ་ཆེ་ལོང་ཙམ་བརྗོད་པ་ནི།   བདག་ཉིད་ཆེན་པོ་རིགས་ལྡན་སྤྲུལ་བའི་སྐུ་ཀུན་མཁྱེན་ཆེན་པོ་ཁོང་གི་སློབ་མའི་གཙོ་བོ་ཀུན་སྤངས་ཆོས་གྲགས་དཔལ་བཟང་པོ།   ས་བཟང་མ་ཏི་པཎ་ཆེན།   ལོ་ཙྭ་བ་བློ་གྲོས་དཔལ།   ཆོས་རྗེ་ཕྱོགས་ལས་རྣམ་རྒྱལ།   གཡག་སྡེ་པཎ་ཆེན་སོགས་བགྲང་གིས་མི་ལང་བ་ཞིག་དཔལ་ལྡན་ས་སྐྱ་བ་ཡིན་པས་ཇོ་ནང་གི་ཆོས་རྒྱུན་དང༌།  སློབ་རྒྱུད་བར་མ་ཆད་པར་བྱོན་ཞིང༌།   ཀུན་མཁྱེན་ཆེན་པོ་ཡང་དཔལ་ལྡན་ས་སྐྱ་བའི་དགེ་བཤེས་ཆེན་པོ་ཞིག་ཡིན་ནོ།།   ཕྱིས་སུ་གསེར་མདོག་པཎ་ཆེན་ཤཱཀྱ་མཆོག་ལྡན་གྱིས་ཇོ་ནང་བའི་གྲུབ་མཐའ་འཛིན་པའི་ཚུལ་གནང་བ་དང༌།  ཀུན་དགའ་གྲོལ་མཆོག་གི་ཤངས་ཆོས་ཀྱི་སྐོར་རྣམས་ཀྱང་ས་སྐྱ་བས་འཛིན་སྤེལ་བྱེད་པས་ཆོས་རྒྱུན་འདིས་ས་སྐྱ་བ་ལ་ཁྱབ་ཚུལ་མདོ་ཙམ་མོ།།

གྲུབ་མཐའི་བྱུང་བ་མདོ་ཙམ་བརྗོད་པ།

གྲུབ་མཐའི་བྱུང་བ་མདོ་ཙམ་བརྗོད་པ། 

དང་པོ་དཔལ་དུས་ཀྱི་འཁོར་ལོའི་རྒྱུད་གསུང་བའི་གནས་ངོས་བཟུང་བ་དང༌།   རྒྱུད་ཀྱི་རྒྱལ་འདི་ཞུ་བ་པོ་གང་གི་འཁྲུངས་གནས་བྱང་ཤམ་བྷ་ལ་ངོས་བཟུང་བ།   ཡུལ་དེ་ནས་དཔལ་དུས་ཀྱི་འཁོར་ལོའི་རྒྱུད་འཕགས་བོད་དུ་དར་ཚུལ་དང་གསུལ་ལས།    དང་པོ་རྒྱུད་ཀྱི་རྒྱལ་པོ་གསུང་བའི་གནས་ནི།  འདི་སྐད་ཐོས་ཏེ།  རྒྱ་གར་འཕགས་པའི་ཡུལ་གྱི་ལྷོ་ཕྱོགས་འགྲོ་ལྡིང་བའི་ཡུལ་ཟད་མཚམས་གངྒ་དང་སཱི་ཏ་རྒྱ་མཚོར་འདྲེས་པའི་བར་ན།  ཤྲཱི་དྷ་ན་ཀ་ཊེ་ཅེས་པ་དཔལ་འབྲས་སྤུངས་ཀྱི་མཆོད་རྟེན་ཡོད་དེ།  དེ་ནི་སྔོན་སངས་རྒྱས་གསེར་ཐུབ་ཀྱི་བསྟན་པའི་མཇུག་ཏུ་མུ་གེ་ཆེན་པོ་བྱུང་བ་ན།  དགེ་སློང་གྲུབ་ཐོབ་ཅིག་གིས།   བུམ་པ་བསྒྲུབས་པས་འབྲས་སཱ་ལིའི་ཆར་འཛམ་གླིང་ཁྱབ་པར་བོལ་ནུབ་ཙམ་དང༌།   ཉིན་ལམ་བཅུ་གཉིས་ཀྱི་རྒྱ་ལ་གྱང་རིམ་གསུམ་ཙམ་དང༌།  བུམ་པའི་སྟེང་དུ་མཆོད་རྟེན་གྱི་དབྱིབས་སུ་འབྲས་ཀྱི་རི་ཆེན་པོ་ཆགས་པའི་ཕུད་ལས།  རྫུ་འཕྲུལ་ཅན་རྣམས་ཀྱིས་འབྲས་ཕྱེ་ལས་སྔ་མ་དང་ཚད་མཉམ་པའི་མཆོད་རྟེན་བཞེངས།