མཇུག་བྱང་།
ཕྱོགས་བཅུའི་སངས་རྒྱས་ཀུན་གྱི་ཞིང་ཁམས་འདིར། །བརྩོན་འགྲུས་ལྡན་པས་རྩེ་གཅིག་འབད་གྱུར་ན། །མ་དག་རྣམ་སྨིན་ལུས་འདི་གནས་གྱུར་ནས། ། རྡོ་རྗེའི་སྐུ་མཆོག་ཚེ་འདི་ཉིད་ལ་འགྲུབ། །བརྩོན་པ་འབྲིང་པོའི་བར་དོར་སངས་རྒྱས་ཞིང༌། ། བརྩོན་འགྲུས་ཐ་མ་ཡིན་ཀྱང་ལམ་སྣ་ཟིན། །གནས་མཆོག་འདི་དང་ཆོས་བརྒྱུད་འདི་ཉིད་ལ། ། དམ་ཚིག་མ་ཉམས་སྡིག་ཆེན་མ་བསགས་ན། །འབད་རྩོས་མེད་ཀྱང་སྙོམས་ལས་དབང་གྱུར་ཀྱང༌། ། གནས་འདིར་བསྡད་པ་ཙམ་གྱིས་དགེ་སྦྱོར་སྐྱེ། ། ས་བཅུའི་བྱང་སེམས་རིགས་ལྡན་སྤྲུལ་པའི་སྐུ། ། དེ་དག་རྣམས་ཀྱི་བྱིན་རླབས་ངང་གིས་འཇུག །དད་པ་ཆེན་པོས་ཕྱག་མཆོད་བསྐོར་བ་དང༌། ། གསོལ་བ་བཏབ་ན་ཡིད་ཆེས་འཕྲལ་འཕྲལ་འབྱུང༌། །ལན་ཅིག་ནཇལ་བ་འང་བར་ཆད་ཀུན་ཞི་ཞིང༌། ། ལན་གསུམ་བསྐོར་བས་ངན་འགྲོའི་སྐྱེ་སྒོ་ཁེགས། །ལན་མང་མཇལ་ན་མཚམས་མེད་བྱས་པ་ཡང༌། ། རྣམ་པར་དག་ནས་བདེ་ཆེན་གནས་སུ་འགྲོ། །མཐོང་ཐོས་དྲན་རེག་ཐམས་ཅད་དོན་ལྡན་པའི། ། གནས་མཆོག་འདི་དང་མཚུངས་པ་འགའ་ཡང་མེད། །ཟུང་འཇུག་ཡེ་ཤེས་ཆེན་པོའི་ཕོ་བྲང་འདིར། ། དད་པ་བསྐྱེད་ཅིང་འབྲེལ་བ་འཇོག་པ་རྣམས། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །རྣམ་མཁྱེན་གོ་འཕངས་ཐོབ་པའི་དགེ་ལེགས་འཕེལ། །ཅེས་དགེ་སློང་ཀུན་དགའ་སྙིང་པོས་བྲིས། བཀྲ་ཤིས། དགེ་ལེགས་འཕེལ། སྲས་བཅས་རྒྱལ་བ་ཀུན་གྱིས་བྱིན་རླབས་པས། །དངོས་གྲུབ་ཐམས་ཅད་འབད་མེད་འབྱུང་བའི་གནས། །འདིར་ནི་མཁའ་མཉམ་སེམས་ཅན་དོན་ཕྱིར་དུ། །བདག་ཀྱང་སྒྲུབ་པའི་རྒྱལ་མཚན་འཛིན་པར་ཤོག །ཤུ་བྷཾ།
[...] ༄༅།། མཇུག་བྱང་སྨོན་ཚིག [...]